Ransangram, Marathi blog, Maharashtra, Politics, Society, Article, Stories, रणसंग्राम: चित्र/व्यंगचित्र

Numerology प्रेमळ सहा (6)

या भाग्यांकाच्या व्यक्ती प्रेमळ असतात, संकटसमयी मित्रांना कधीही त्या एकटं सोडून देत नाहीत. समोरच्यांच्या अडचणी समजावून घेण्याचा या व्यक्तींचा स्वभाव असतो. सतत आनंदात राहण्याच्या स्वभावामुळे यांचा मित्रपरिवार मोठा असतो.
सहा, पंधरा आणि चोवीस या तारखांना जन्मलेल्या व्यक्तींचा भाग्यांक सहा असतो. सहा या अंकाचा स्वामी शुक्र असून सहा भाग्यांक असलेल्या व्यक्तींमध्ये शुक्राचे सर्व गुण-दोष ठळकपणे दिसतात.
प्रेम, दया, ममत्व या भावांना या व्यक्तींच्या जीवनात विशेष स्थान असतं. सहा भाग्यांकाच्या व्यक्ती जन्मजात कलाकार असतात. कला आणि सौंदर्याची त्यांना आसक्ती असते. या व्यक्ती दिसायला स्वत: देखण्या, रुबाबदार असतीलच असं नाही, पण पहिल्याच भेटीत समोरच्यावर या व्यक्ती छाप पाडतात. या भाग्यांकाच्या व्यक्तीच्या सहवासात धमाल असते. या व्यक्ती उत्फुल्ल असतात, उत्साही असतात. त्यांच्यातली ऊर्जा उच्च कोटीची असते. सहा भाग्यांकाची व्यक्ती कंटाळलेली, आळशी क्वचितच सापडते.
सहा भाग्यांकाची व्यक्ती कविता, नृत्य, गायन या क्षेत्रात पारंगत असतात. यांची जीवनशैली ऐषारामची असते. उत्तम कपडे, दागदागिने, अत्तरं यांचा या व्यक्तींना शौक असतो. या भाग्यांकाच्या व्यक्ती प्रेमळ असतात, संकटसमयी मित्रांना कधीही त्या एकटं सोडून देत नाहीत. समोरच्यांच्या अडचणी समजावून घेण्याचा या व्यक्तींचा स्वभाव असतो. सतत आनंदात राहण्याच्या स्वभावामुळे यांचा मित्रपरिवार मोठा असतो. स्वत:च्या घरावर यांचा जास्त जीव असतो. कुटुंबाच्या सुखासाठी वाट्टेल ते करायची यांची तयारी असते. मात्र पैसा मिळवणं हे या व्यक्तीचं ध्येय कधीच नसतं. स्वभाव चैनी असल्यामुळे मिळालेला पैसाही या व्यक्ती साठवून ठेवत नाहीत. स्वभावात उधळपट्टी असते आणि खर्च झालेल्या पैशाबाबात या व्यक्तींच्या मनात कधीही पश्‍चात्तापाची भावना नसते.
शुक्राने दिलेल्या गुणांचा वापर करता आला तर या व्यक्ती कलाक्षेत्रात नाव कमावतात. इंटिरिअर डेकोरेटर, आर्किटेक्ट, हॉटेल मॅनेजर, संगीतकार, चित्रकार म्हणून या भाग्यांकाच्या व्यक्ती फार मोठं यश मिळवितात.
या भाग्यांकाच्या व्यक्ती ठणठणीत असतात. तापाच्या आजाराचा यांना त्रास होतो. नैराश्याचे झटकेही या व्यक्तींना येतात, पण हे नैराश्य क्षणभर टिकणारं असतं.
या भाग्यांकाच्या व्यक्ती लवकर विवाह करतात. पुरुषांना त्यांची जोडीदारीण नीटनेटकी दिसायला,सुंदर हवी असते. मुलांवर आणि घरावर यांचं प्रेम असतं. यांच्या घरातलं वातावरण कायम आनंदी असतं. कलेवरच्या अतिप्रेमामुळे जीवनातल्या आवश्यक गोष्टींकडे मात्र या भाग्यांकाच्या पुरुषांचं दुर्लक्ष होतं. त्यातून संसारात खटके उडू शकतात, पण सर्वसाधारणपणे यांचं वैवाहिक जीवन खूप छान असतं.
या भाग्यांकाच्या स्त्रिया संसार अतिशय नेकीने करतात. प्रेमळ पत्नी आणि मुलांसाठी सर्वस्व देणारी माता असं या भाग्यांकाच्या स्त्रियांचं वर्णन करता येईल.
दोन, तीन, सहा आणि नऊ या भाग्यांकाच्या व्यक्तीशी चांगली मैत्री होते. जोडीदारही याच भाग्यांकातला असेल तर आयुष्य आनंदमय होऊन जातं.
शुभ दिवस : सोमवार, मंगळवार, गुरुवार आणि शुक्रवार.
शुभ रंग : निळ्या रंगाच्या सर्व छटा, गुलाबी रंगही चांगला, पिवळा रंग वर्ज्य.
शुभ रत्ने/खडे : टरकॉइज, पाचू, मोती आणि हिरा.
महत्त्वाची वर्षे : सहा, पंधरा, चोवीस, तेहेतीस, बेचाळीस, एक्कावन्न, साठ, एकोणसत्तर, अठ्ठ्याहत्तर.

Ransangram Pages

चित्र/व्यंगचित्र

0 comments:

Advertisement